​«Атырау» футбол клубының директоры Қоныспай Шпанов жанкүйерге: "Мені сен тағайындадың ба?»

16 сәуір 11:34 3275 рет қаралды

15 сәуірде Балықшы ықшамауданындағы «Судоремонтник» стадионының алдына «Атырау» футбол командасының 15-ке жуық жас жанкүйері жиналды. Олардың айтуынша, кеше ФК басшылығы оларды кездесуге шақырды, бірақ кейін бұл шешімінен бас тартқан.

- Бүгін Қоныспай ШПАНОВ («Атырау» облыстық футбол командасы» ЖШС директоры - А.С.) біздің жанкүйерлеріміздің ортақ чатына қосылды. Мен оған жиналу керек, біздің талабымыз бар дегенде, ол: «Бекжан, тікелей өзің кел, сөйлесейік» деп жауап берді. Бірақ мен жалғыз емес, қасыма басқа жанкүйерлерді ертіп баруды шештім, сақтық үшін. Біз келгенде мен телефонның бейнежазбасын қосып, оған: "Сіз отставкаға кетуіңіз керек» дедім. Ол: «Мені сен тағайындадың ба?!" деді де көлігіне отырып, кетіп қалды, - дейді жанкүйер Бекжан АХМЕТОВ.

Жас жанкүйерлердің де талап-тілектері 12 сәуірде «Мұнайшыда» айтылды. Бірақ бұл жолы есімдерін нақтылап: Қоныспай ШПАНОВ пен «Атырау» ФК спорт директоры Нұртаза ӘБІЛХАНОВТЫҢ орнына жергілікті футбол мамандары Денис РОДИОНОВ, Айбар НҰРЫБЕКОВ, Қуаныш ҚАБДОЛОВ келсін деп талап етті.

- Егер таяудағы уақытта клуб басшылығы отставкаға кетпесе, біз Президент әкімшілігіне, сондай-ақ ҚФФ мен сыбайлас жемқорлыққа қарсы қызметке жүгінуге дейін түрлі іс-қимылдар жасаймыз. Біз 10 жылға жасалған сенімгерлік басқару шартын жоюды және футбол клубын қала әкімдігінің балансына қайтаруды талап етеміз, яғни «Атырау» ФК жеке меншікке өтіп, оған жергілікті бюджеттен қаражат жұмсалмағанша, - дейді жанкүйерлер.

– Өзіміздің жергілікті және тәжірибесі бар мамандар тұрғанда, неге бізге басқа облыс пен елдерден мамандар келетінін түсінбеймін. Егер Денис Родионовты басшылыққа қойса, біз оны қолдар едік, өйткені оған сенеміз. Ол біздің футболымыздың аңызы деп айтуға болады. Жергілікті футболшы, «Атырауда» және басқа да қазақстандық клубтарда сәтті өнер көрсетіп, ұлттық құрамаға тартылды. Айбар Нұрыбеков те жергілікті спортшы. Қуаныш Қабдолов қазір Түркістан облысында "Тұранды" жаттықтырады – егер ол әлсіз бапкер болса, оны Премьер-лига клубына алып кетер ме еді? Егер біздің команда нәтиже көрсеткен болса, онда біздің тарапымыздан мұндай әрекеттер болмас еді. Әйтпесе, ұят, тіпті, мұны тоқтату керек, - дейді тағы бір жанкүйер Азамат ҒҰМАРОВ.

Жиналғандардың қасына ФК басшылығынан басқа ешкім келген жоқ. Содан кейін оларға  стадионның күзет қызметкері жақындап, жұмыс уақыты аяқталды, енді полиция шақыруы мүмкін екенін атты. Бүгінгі күні ФК өкілдерімен ешқандай диалог болмайтыны түсінікті болған соң, ешкім дау айта алмады.

Айнұр САПАРОВА 

Сурет пен бейнежазбаны түсірген автор



Тақырып бойынша жаңалықтар



Комментарии пока доступны только в полной версии сайта

Комментарий қалдыру