Бүлдіршін ауладан шығып, адасып кетті

15 қыркүйек 16:03 797 рет қаралды

Өткен аптада Атырау балалардың жоғалуы бойынша «рекорд» орнатты. 7-12 қыркүйек аралығында «102» пультіне осындай деректер бойынша 13 хабарлама түсті. Бағына қарай, полицейлер оларды тез тауып алды.

- Оның ішінде 3-8 жас аралығында сегіз бала, 8-14 жасқа дейінгі 5 жасөспірім болды. Бәрінде де полицейлер балаларды хабар түскеннен кейін 2-3 сағат аралығында тауып алған. Ата-анасының қарауынсыз қалған балалар, әдетте, адасып кетеді. Ойнап жүрген ауласынан шығып кетіп, содан соң кері жол таба алмай қалады, - дейді Атырау облыстық Полиция департаментінің ресми өкілі Гүлнәзира МҰХТАРОВА.

Ал 13 қыркүйекте кешкі сағат 7 шамасында Уәлиханов көшесінің бойындағы тұрғын үйдің алдында ойнап жүрген 4 және 6 жастағы бүлдіршіндер ата-анасының қарауынсыз қалып, адасып қалған. Дабыл қаққан ата-ана полицияға жүгініп, кешікпей адасқан балалар үйлеріне қайтарылды.

Фархат ӘБІЛОВ



Тақырып бойынша жаңалықтар



Комментарии пока доступны только в полной версии сайта

Комментарий қалдыру