Трамп қайта сайланған жағдайда америкалықтарға "салық демалысын" жариялауға уәде берді

9 тамыз 10:12 511 рет қаралды

АҚШ президенті Дональд Трамп сенбіде өткен баспасөз мәслихатында экономиканы қолдау үшін бірқатар қадамдар қабылдағанын мәлімдеді. Бұл туралы РИА Новости жазды. 

Айтуынша, ол жұмыссыздарға "кеңейтілген төлемдер түрінде аптасына қосымша 400 доллар" беруді бұйырған. Бұл шығындардың төрттен бір бөлігін штаттар төлеуі тиіс.

"Мен жылына 100 мың доллардан аз табатын адамдар үшін салық демалысын жариялаймын", - деп қосты Трамп. Оның айтуынша, бұл демалыс 1 қыркүйектен немесе өткен 1 тамыздан басталып, жыл соңына дейін жалғасады. Америкалықтардың шамамен 98 пайызы бұл сомадан аз ақша табады.

"Қараша айында қайта сайлансам, осы салықтарды кешіруді жоспарлап отырмын, мен мұндай салық демалыстарын тұрақты етуді жоспарлап отырмын", - деді Трамп. "Біз сондай-ақ қосымша салық жеңілдіктерін, соның ішінде табыс салығы мен капиталды өсіру салығын қарастырып жатырмыз", - деп қосты Трамп.

Сондай-ақ, ол жалға алған үйіне немесе ипотекасын төлемегендерді шығаруды тоқтата тұруды бұйырғанын айтты. Сонымен қатар, оның айтуынша, студенттердің оқу қарызын жеңілдету үшін қосымша шаралар қабылданады.

Конгрессте Ақ үй мен оппозициялық демократтар бұған дейін конгресс бөлген 3 триллион доллардан басқа экономиканы қолдаудың жаңа пакетіне байланысты келіссөздер жүргізіп жатыр. Кедергі болып отырғаны - көктемнен 1 тамызға дейін созылған аптасына 600 доллар көлеміндегі жұмыссыздық бойынша қосымша төлемдер мәселесі. Республикашылар мен демократтар бұл көмекті қандай көлемде ұзартуға болатынына келісе алмай жатыр.

Дереккөз: Тengrinews.kz





Комментарии пока доступны только в полной версии сайта

Комментарий қалдыру