«Қажетті дәрі-дәрмектер сатып алынып, барлық аймақтарға жіберілуде»

2 шілде 12:53 1067 рет қаралды

КВИ жұқтырған науқастарды амбулаториялық деңгейде және стационарларда емдеу үшін 138,8 млн теңгеге 59 атауда дәрі-дәрмек сатып алынды, - деді ҚР Денсаулық сақтау вице-министрі Людмила БҰЙРАБЕКОВА онлайн-брифингте.

Оның айтуынша, бұл дәрі-дәрмектер барлық аймақтарға жіберілген. Медициналық ұйымдарда «Лопинавир - ритонавир», «Гидроксихлорохин» бар. «Ремдесивирді» сатып алу жұмыстары аяқталған - бұл препарат КВИ-дің ауыр түрлерін емдеу үшін қажет.

- Жақын арада хаттамаға енгізілген «Фавипиравил» препараты сатып алынады. Біз бірнеше өндірушілермен, соның ішінде Ресеймен келіссөздер жүргізудеміз. Сондай-ақ, елімізде дәрі-дәрмек шығаруға әзір отандық өндірушілер бар, - деді Бұйрабекова.

Дайындаған Зульфия ИСКАЛИЕВА 



Тақырып бойынша жаңалықтар



Комментарии пока доступны только в полной версии сайта

Комментарий қалдыру