Атырауда COVID-19-дан көз жұмғандарды жерлеу үшін басқа орын бөлінді

27 маусым 14:36 2596 рет қаралды
"АЖ" мұрағатынан алынған көрнекі сурет

Атырауда коронавирус инфекциясынан көз жұмғандарды жерлеу үшін арнайы жер бөлінді. Ол Жұмыскер ықшамауданындағы Мұқаш зиратына жақын жердегі аумақ, деп хабарлады облыстық дін істері басқармасы әлеуметтік желіде.

- Санитариялық алгоритм нормаларына сай, марқұмның мүрдесі туыстарына берілмейді және белгіленген аумақта жерленетін болады. Десе де, жерлеу рəсіміне марқұмның ет жақын туыстары санитариялық талаптарды сақтау арқылы қатыса алады, - делінген хабарламада.

Жерлеу рəсімі кезінде марқұмның діни ұстанымы ескеріледі, бөлінген жер қоршаумен екіге бөлінеді.

Марқұм жерленгеннен кейін арада 15-20 күн өткен соң бейіт тұрғызуға немесе зираттың басына баруға болады, - деп хабарлайды дін істері басқармасы.

Естеріңізге салсақ, бұдан бұрын Covid-19-дан көз жұмған марқұмдарды жерлеу үшін «Жұлдыз» ықшамауданындағы «Орбита» мұсылмандар зиратының жанында жер бөлінген болатын. Бірақ ол жер тұрғын үйлерге тым жақын, сондықтан басқа орын белгіленді.

Дайындаған Айнұр САПАРОВА



Тақырып бойынша жаңалықтар



Комментарии пока доступны только в полной версии сайта

Комментарий қалдыру