ҚТЖ пойыз апатынан қаза тапқан баланың отбасына өтемақы төлейді

19 маусым 2018 09:33 837 рет қаралды


Жарақатының ауырлығына байланысты зардап шеккен жолаушылар да өтемақы алады. Қаза тапқан Алексей Малиневтің отбасына  "Қазақстан темір жолы" компаниясы өтемақы төлейді, деп хабарлады ҚТЖ басқарма төрағасы Қанат Алпысбаев Шу қаласындағы брифинг барысында.

"ҚР заңнамасы бекіткен өтемақыдан бөлек, "Қазақстан темір жолы" компаниясы қаза тапқан баланың отбасына 2 миллион теңге қаражат беруге шешім қабылдады. Зардап шеккен жолаушылар да жарақатының деңгейіне байланысты 500 мың теңге мен 1 миллион теңге арасында өтемақы  алады", — деп мәлімдеді Алпысбаев.

Жексенбі күні Жамбыл облысы Шу ауданында Астана – Алматы пойызының сегіз вагоны аударылған. Пойызда болған 829 жолаушының біреуі қаза тапты.

Дереккөз: sputniknews.kz





Бұл жаңалыққа комментарий жазуға тыйым салынған.