- Көршілеріміз екі аптадан бері жөндеу жұмыстарын жүргізуде. Жұмыс күндері тасыр-тұсыр еткен дыбысқа шыдап бағамыз-ау, ал демалыс күндері көрші пәтерден шығатын дыбыстарға шыдау мүмкін емес. Тіпті, біз ұйықтап жатқанда жұмысарын таңғы сағат 8, 9-дан бастайды. Тыныштық сақтау ережелері бар ма?
№20 автобустағы (Газель) кондуктор сабақтан үйге келе жатқан үш оқушыны сөмкесіндегі кітаптарға, анықтама қағазына да қарамастан келесі аялдамадан түсуін талап еткен. Себебін сұрағанда, «заң бойынша Газельге тек бір оқушыдан мінгіземіз» дегенді айтқан. Ал №11 маршрутқа оқушыларды мүлдем мінгізбейді екен. Бұл қаншалықты заңды?
№20 автобустағы (газель) кондуктор сабақтан үйге келе жатқан үш оқушыны сөмкесіндегі кітаптарға, анықтама қағазына да қарамастан келесі аялдамадан түсуін талап еткен. Себебін сұрағанда, «заң бойынша газельге тек 1 оқушыдан мінгіземіз» дегенді айтқан. Ал №11 маршрутқа оқушыларды мүлдет мінгізбейді екен. Бұл қаншалықты заңды?
- Мен арнайы мемлекеттік бағдарлама бойынша отбасыммен солтүстік өңірлерге көше аламын ба? Жаңа жерде жұмыс және үймен қамтамасыз ететін бағдарлама бар деп естігенмін
– Жақында салық қызметінен 11 884 теңге төлеуге тиіс екендігім туралы хабарлама алдым. Жаңа заң бойынша мүлік салығын келесі жылы төлеуге болатынын білетіндіктен, не үшін мұндай сома төлейтінімді анықтау үшін барған едім. Салық қызметіндегілер мұның 2015 жылы алған жер телімімді уақытша пайдалану төлемақысы екенін түсіндірді. Алайда, уақытша пайдалану туралы келісімшартта 200 теңгедегі сома белгіленген. «Неліктен мұндай сома айырмашылығы шығып тұр?» деген сұрағыма: «жер комитеті есептегенде қателескен» деп түсіндірді. Нәтижесінде 2100 теңге мөлшерінде өсім есептеп берді. Жер телімін пайдаланғаны үшін төленетін салықтың нақты мөлшерлемесі қандай?
Конституция күні қарсаңында әкеме соғыс ардагері ретінде Махамбет ауданы орталығынан жаңа баспана берген болатын. Алайда, баспананың кілтін қолымызға алғанымызбен әлі күнге құжатын рәсімдей алмай келеміз. Төрт айдан асты. Енді қанша күтуіміз керек?
– 2012-2013 жылдары М. Қазірет (бұрынғы Маркс) көшесіне шамдар орнатылды. Бірақ оларға әлі күнге дейін жарық қосылмаған. Атырау қалалық әкімдігі өтінішімді қарап шыққаннан соң: нысанды салушы - «МұнайҚұрылысСервис» ЖШС жосықсыз мердігер деп танылып, банкрот боп жарияланғанын, осы себепті іске қосу-реттеу жұмыстары мерзімінде аяқталмағанын, тапсырыс беруші – қалалық құрылыс бөлімі сотқа талап арыз беріп, тек содан кейін нысанның пайдалануға қабылданғанын хабарлады. Содан бері қарай 4 ай уақыт өтті, бәлкім, сот ақырғы шешім шығарып, қандай компанияның жұмысты аяқтайтыны және көшемізге қашан жарық берілетіні белгілі болған шығар.
Жөндеу жүргізгеннен кейін су есептегішін пломбалау керек болды. Асүйге әлі жиһазымызды орнатқан жоқпыз, ол жерде әзірге қол жуғыш жоқ. Осыны желеу етіп АСА бақылаушысы есептегішке пломба орнатудан бас тартты. Шынымен де егер асүйде/ваннада раковина болмаса есептегішке пломба салуға болмай ма?
- Неліктен жұқпалы аурулар ауруханасында тек бала емізетін әйелдер ғана тамақтандырылады? Онда да тамақ жартымсыз беріледі. Үш жасқа дейінгі балаларымен бірге жататын басқа аналарға ешқандай тамақ берілмейді. Ал егер шұғыл ауылдан жеткізілген балалы ана болса, қалада оған тамақ әкелетін ешкім жоқ қой?
Біз аққуды махаббат пен мейірімділіктің символы ретінде қарастырамыз, ал кеше ФБ-да кішкентай бала қазды өлтіріп жатқан аққудың суретін көрдім. Шындығында осылай болуы мүмкін бе?
